مستقبل نہیں دینا چاہتے، مولانا فضل الرحمٰن
آنیوالی نسلوں کو خون آلودہ مستقبل نہیں دینا چاہتے، مولانا فضل الرحمٰن
اسلام ٹائمز: ژوب میں تقریب سے خطاب کرتے ہوئے جے یو آئی (ف) کے سربراہ نے کہا ہے کہ پسماندہ علاقوں میں اقتصادی راہداری منصوبے سے خوشحالی آئیگی، دہشتگردی اور انتہاپسندی کی سب سے بڑی وجہ معاشی پسماندگی ہے۔
اسلام ٹائمز۔ جمعیت علمائے اسلام (ف) کے سربراہ مولانا فضل الرحمٰن نے کہا ہے کہ چین نے پاکستان کے بہترین دوست ہونے کا ثبوت دیا ہے۔ ان خیالات کا اظہار انہوں نے ژوب میں ایک تقریب سے خطاب کرتے ہوئے کیا۔ مولانا فضل الرحمٰن کا کہنا تھا کہ پسماندہ علاقوں میں اقتصادی راہداری کے منصوبے سے خوشحالی آئےگی۔ دہشت گردی اور انتہا پسندی کی سب سے بڑی وجہ معاشی پسماندگی ہے۔ انہوں نے کہا کہ قومی ترقی کے لئے سب کو متحد ہوکر کردار ادا کرنا ہو گا۔ قومی وحدت کے بغیر ترقی ممکن نہیں ہے۔ انہوں نے مزید کہا کہ قومی ترقی کے لیے پوری قوم کو کردار ادا کرنا ہوگا۔ ترقی کے سفرمیں وزیراعظم کو بھرپور تعاون کا یقین دلاتا ہوں۔ مولانافضل الرحمان نے کہا کہ چین نے پاکستان کابہترین دوست ہونےکاثبوت دیا ہے۔ انہوں نے کہا کہ دہشتگردی اور انتہاپسندی کی سب سے بڑی وجہ معاشی پسماندگی ہے، آنے والی نسلوں کو خون آلودہ مستقبل ہرگز نہیں دینا چاہتے ہیں۔
خبر کا کوڈ: 509038
کوئی تبصرے نہیں:
ایک تبصرہ شائع کریں